सरकारको भ्रम छर्ने मेसो ,,मेनपावरको सेवा शुल्क बढाएको खबर झुटो महानिर्देशक मदन दाहाल भन्छन् छलफलमै छौं

सरकारले वैदेशिक रोजगारमा जाँदा म्यानपावरलाई तिर्नपर्ने शुल्क बढाउने निर्णय गरेको खबर झुटो रहेको वैदेशिक रोजगार विभागका महानिर्देशक मदन दाहालले जानकारी दिनुभएको छ । हामीसंगको टेलिफोन कुराकानीमा दाहालले भन्नुभयो “त्यस्तो केहि निर्णय भएको छैन । अहिले छलफल नै चलिरहेको छ यस विषयमा । ”

वेदेशिक रोजगार व्यवसायीहरुको सेवा शुल्क नतोकिदा वैदेशिक रोजगार व्यवसायमा मनपरि थियो । यतिसम्म कि सरकारले ल्याएको फ्रि भिसा फ्रि टिकट नितिमाथी नै टेकेर उनिहरुले आफै भिसा खरिद गरेर बाहिर जाने कामदारहरुसंग मनपरि शुल्क असुल्ने गदर्थे । त्यो पनि अनाधिकृत रुपमा । त्यो कारोबारको न उनिहरुले बिल काट्थे न कामदारले बिल पाउँथे । यस हिसाबले वैदेशिक रोजगारको क्षेत्रमा विकृति मौलाएको थियो । कुनै कामदार ठगिएको खण्डमा न उसले न्याए पाउने आधार हुन्थ्यो न त राज्यले म्यानपावरबाट ट्याक्स नै पाउँथ्यो । तर मिडियामा शुल्कको कुरा आउँदा अब भने केहि सुधार हुन्छ कि भन्ने संकेत देखिएको थियो तर त्यो निर्णय पनि झुटो रहेको पाईएको छ ।

अहिले म्यानपावर व्यवसायीले वैदेशिक रोजगारमा जाने कामदारहरुबाट मनपरि शुल्क लिँदै आएका छन् । सरकारले साँच्चिकै यो निर्णय गरेको भए वैदेशिक रोजगारमा जाने कामदारहरुले एक महिनाको पारिश्रमिक बराबरको सेवा शुल्क म्यानपावरहरुलाई बुझाउनु पर्ने थियो । अर्थात उक्त कामदारको एक महिनाको तलब बराबरको सेवा शुल्क मात्रै मेनपावरहरुले लिन पाउने थिए । त्यो रकम कमसेकम एउटा आधिकारिक शुल्कका रुपमा त मानिने थियो तर अहिले कामदारले त्यो रकमको कयौं गुणा बढी रकम तिरिरहन बाध्य छन् त्यो पनि बिना प्रमाणको । जसले भोली अन्यायमा परेको खण्डमा न्याय पाउने आधार हुने हुँदैन । तर यतिका विकृति मौलाईरहँदा पनि सरकारले अहिले वैदेशिक रोजगारलाई व्यवस्थित कुनै पनि ठोस पहल चालेको देखिदैन ।