प्रदेश ६ को पहिलो बैठक माघ २१ गते बस्दै

१५ माघ, सुर्खेत । आइतबार प्रदेश प्रमुखको कार्यालयमा प्रदेश अधिवेशनको मिति तय गर्न बसेको सर्वदलीय बैठकले प्रदेश ६ को पहिलो बैठक माघ २१ गतेका लागि बोलाउने निर्णय गरेको छ ।

प्रदेशसभा कार्यालयका सचिव भरतबहादुर ढुंगानाले २१ गते दिउँसो १ बजेका लागि ६ नम्बर प्रदेशको पहिलो अधिवेशन आह्वान गरिएको जानकारी दिए ।

सुर्खेतस्थित सिँचाई डिभिजनको सभाहलमा अधिवेशन हुनेछ । शैक्षिक तालिम केन्द्र तयार भइनसकेकाले तत्काल अस्थायी रुपमा सिँचाइ विकास डिभिजनको सभाहलमा अधिवेशन गर्न लागीएको हो ।